Pas publikimit të letrës së kryetarit të Lëvizjes Vetëvendosje, Albin Kurti të dërguar kreut të Lidhjes Demokratike të Kosovës, Lumir Abdixhiku, ka reaguar Ramush Haradinaj.

Kryetari i Aleancës për Ardhmërinë e Kosovës, ka thënë se ky reagim i Kurtit është i vonuar, raporton Arbresh.info.

Sipas tij, Kurti këtë veprim që ka bërë sot është dashur ta bëjë menjëherë pas zgjedhjeve.

Haradinaj shprehet skeptik që kjo letër e Kurtit dërguar Ablixhikut do mund ta ndërroj situatën e tanishme.

“Besoj që është një praktikë që ishte dashur të ndodhë menjëherë pas zgjedhjeve. Nuk e besoj që ajo letër do e ndryshojë gjendjen, Kurti është dashur të bëjë edhe veprime tjera. Në Kosovë është një situatë e rëndë. Rritja e çmimit të energjisë është bërë problem i madh për prodhuesit”, shprehet Haradinaj./Arbresh.info/

LEXO EDHE

Kurti letër Abdixhikut: I kërkon koalicion LVV-LDK